40
Dies und das auf Halterner Platt
Et is all een paor Wirken hen, dao häbb’ke sunndachs äs eenen
Besöek in de Seestadthalle an’t Lippspieker maakt. Üm genau te
sien, in de Handwirker- un Bau-Utstellung, we dao jedes Jaohr
in’n Märt a hollen wett. Dao draiht sick dann twee Dage lang
alls üm Bauen, Water un Gass, Heizungen, Bäder, Wärmepumpen
un so widder. Kurt un gurd, üm alls, wat Hand-, Heimwirker un
Bauwilligen so intresseert. Allerhand Firmen präsenteert dao
ähr Kürnen un ähre Angebotte, dat wat se de Kunnen te baiden
hä t. Ick mott säggen, de Utstellung – wennigstens an düssen
Sunndachmuorn – wass best gurd besocht.
Nich dat ick mi för Handwirksgerai besünners intresseern dai,
dat nich. Üm ährlick te sien, ick häbb äs gelernten Bürokrat van
socke Saaken so vull Ahnung äs „’ne Koh van’t Schlittschohloopen“.
Owwer ick harr eenen besünneren Grund, düsse Utstellung
te besöeken. Ick mott näömlick nu wanners bi mi ant Huus in’t
Badezimmer wat ännern laoten. Man wett jao nich jünger un
möch’t met de Tied een birtken kommoder häbben. Eegentlick
wull ick bloß ennige kapotte Fliesen uttuschken laoten. Män een
Fackmann hätt mi dann beliekteekt, dat dat so eenfack nich göng.
Et möss alls ruut un vanne Wänne. Nich bloß de Platten, ook de
Spöehlsteen, dat Klosett un de Bruusetasse. Anners utdrückt, alls
mott nie, un de Saake wett wahne düer.
Usseene staiht nu dao un hätt van nicks keene Ahnunk.Wat nimp’m
dann nu för’n Gerai, üm een Badezimmer nie interichten? För
„Sanitär-Design“ harr ick mi milirwedach noch nich intresseert.
Sowat is jao eene komplizeerte Saake, un allerhand mott bedacht
wärn. In usse modernen Tieden wesselt alle paor Monnate de
Moden ook för Badezimmer, bolle so faken äs bi Fraulüeklamotten.
Maol is witt modern, maol griäs, maol anthrazit, maol bunt kareert.
Üm ährlick te sien, nao mienen Besöek in de Handwirkerutstellung
wass’ke ook nich vull schlauer äs vördem.Mi hätt de Kopp brummt
van all de Brocken, we ick dao te saihn kreeg.
Fröher härrn de Menschken socke Probleme nich. Ick kuorm
näömlick no ut eene Tied, wo de meesten met ’n Plumpsklo ürwern
Ho tefrirden sien mössen.Daomaols wassen de Lüe heelfroh, äs de
Tieden nao un nao birter wuorn un se buoten up halwe Trapp een
Klosett met Waterspöhlung kreegen. För de Waterspöhlung moss’m
an eene lange Kirde trecken. Een Badezimmer harrn daomaols de
wennigsten Famillgen. Et wuor eenmaol inne Wirke – saoterdachs
nommdachs – badet. In een Zinkfatt, wat midden inne Kürke
stonn. Blagen un Öllern kammen riegasnao anne Riege. Duschen
– daomaols sachen wi no „bruusen“ daoför – konnen wi äs Blagen
män a un to inne Turnhalle. Mien Öehme Natz hätt ümmer
vertellt, dat he inne Twintiger Jaohren (van’t vörrige Jaohrhunnert)
bloß daorüm in den Hälterschken Turnvereen intratt is, üm in de
nieje Turnhalle - de Jahnhalle up’t Lippspieker, we’t vandage jao no
gi – kostenloss bruusen te kürnen.
Met de Tied hä t dann doch de meesten Hüser Badezimmer
krirgen, aohne vull Quinten un Schnickschnack. Et kammen witte
o elfenbeenfarwene Platten anne Wänne un schwatt-witte up’n
Footbuorden, manks ook bloß Linoleum. Een Lokuspott, een
Spöhlsteen, eene Badewanne un een met Holt sturkten Badeuom
hä t dat Bad kumplett maakt. Luxuriöse „Badelandschaften“ äs
vandage wassen no unbekannt.
Owwer wat nich is kann jao villicht no wärn. De Tieden sind birter
wuorn, un worüm sall sick usseene up seine ölleren Dage nich
ook äs in’t Bad wat Extras günnen? Üm badezimmermäötig up
den nieesten Stand te kurmen, sin ick nu all wirkenlang daomet
tegänge, all de Prospekte un bunten Hefte dörtestudeern, we mi
de fröndlicken Handwirker bi de Utstellung rieklick inne Hänne
drückt hä t. Bi dütt Studeern häbb ick ook all wat lärt: Näömlick,
dat een Badezimmer wull met de düerste Ruum in’t Huus is. Un dat
Installateure un Fliesenlegger jüst socke Priese hä t äs A theker.
Heinz Kallho
Märt – März
Kürnen – Können
Sunndacgmuorn – Sonntagmorgen
Handwirksgerai – Handwerkszeug/-wesen
Schlittschohloopen - Schlittschuhlaufen
kommoder – bequemer/gemütlicher
beliekteeken – erklären/auseinander setzen
Spöhlsteen – Waschbecken
milirwedach - zeitlebens
Fraulüeklamotten - Frauenkleidung
Riegasnao – der Reihe nach
Lokuspott - Toilette
Badeuomn - Badeofen
